बाटोमा भेटियो
एउटा मान्छे ।
सोध्दा उसले नाम भनेन ।
भीडमा भेटियो एउटा मान्छे ।
सोध्दा उसले पनि नाम भनेन ।
जुलुसमा भेटियो
अर्को मान्छे ।
उसले पनि आफ्नो नाम भनेन ।
धुलोमा यस्तो हराएको छ ऊ
जस्तो फूलमा बासना हराएको जस्तो ।
आजकाल ई नाम नभएका मान्छे
कहाँ छन् भनी म सोध्छु,
खोज्छु ।
ती अझै भीडैमा छन्,
बाटोमै छन्
जुलुसमै छन् ।
अनि भीडबाट बाहिर आयो त ?
भयावह चिन्ता गर्छु ..
शायद ऊ भीडमा आफूलाई खोज्दो हो ।
भीडबाट बाहिर त्यही मान्छे छ
जो देखिन्थ्यो, चिनिन्थ्यो
जसको नाम पहिले लेखिएको थियो,
जसको नाम पहिल्यै सोचिएको थियो ।
ई नाम नभएका मान्छेहरू
कहिले यी नाम भएका मान्छेसित मिसिन पाउने होला ।
सायद सपना होला मेरो यो
भो सपनामै रहन दिऊँ ।
गोधूलि संसार, ९४, भैँसेपाटी, ललितपुर
