• १२ मंसिर २०८१, बुधबार

एक कोरोना सङ्क्रमितको मृत्यु

blog

काठमाडौं, वैशाख १४ गते । पछिल्लो २४ घण्टामा एक जना कोरोना सङ्क्रमितको मृत्यु भएको छ । स्वास्थ्य तथा जनसङ्ख्या मन्त्रालयका अनुसार पछिलो तथ्याङ्क अनुसार २४ घण्टामा एक सङ्क्रमितको मृत्यु भएको हो ।

सोही समयमा २५ सय १७ जनाको कोरोना परीक्षण गर्दा १११ जना सङ्क्रमित थपिएका छन्  भने ६० जना सङ्क्रमणमुक्त भएको मन्त्रालयको तथ्याङ्कमा उल्लेख छ ।

त्यस्तै, २४ घण्टामा १३ हजार ९८७ जनाले कोरोनाविरुद्धको खोप लगाएका छन् । नेपालमा ३८७ जना सक्रिय सङ्क्रमितमध्ये १८ जना आइसोलेसनमा उपचाररत छन् । साथै छ जना आइसीयूमा र एक जनाको भेन्टिलेटरमा उपचाररत छन् ।