होटल टाइगर ल्याण्डमा आगलागी

शान्ता अधिकारी

चितवन, चैत २९ गते । भरतपुर २३ जगतपुरमा रहेको होटल टाइगर ल्याण्डमा आगलागी भएको छ । जिल्ला प्रहरी कार्यालय चितवनका प्रवक्ता एवम् प्रहरी नायव उपरीक्षक विजयराज पण्डितका अनुसार आज बिहान अन्दाजी ११ बजेको समयमा सो आगलागी भएको हो ।

होटलको सेमिनार हलमा विधुत सर्ट भई आगलागी भएको हुनसक्ने अनुमान गरिएको छ । प्रवक्ता पण्डितका अनुसार आगलागीको खबर प्राप्त हुनासाथ अस्थायी प्रहरी पोष्ट कृष्णचोक र ईप्रका गीतानगरबाट प्रहरी निरीक्षकको कमाण्डमा सो स्थानमा टोली पठाइएको छ । सँगै भरतपुर महानगरपालिकाका दुई वटा दमकल आगो निभाउनमा परिचालन गरिएको प्रहरीले जनाएको छ । खैरहनीबाट समेत दमकल आगो निभाउनमा परिचालन गरिएको थियो । सो  स्थान जिल्ला सदरमुकाम भरतपुरबाट २५ किलोमिटर टाढा रहेको छ ।