डिस्ट्रिक्ट गभर्नरमा कटुवाल निर्वाचित

राजविराज समाचारदाता 

जनकपुरधाम, चैत १६ गते ।  लायन्स क्लब अन्तर्राष्ट्रिय डिस्ट्रिक्ट ३२५ एफको प्रथम डिस्ट्रिक्ट महाधिवेशनबाट डिस्ट्रिक्ट गभर्नर, पहिलो भाइस डिस्ट्रिक्ट गभर्नर एवं द्वितीय भाइस डिस्ट्रिक्ट गभर्नरलाई निर्वाचित गरिएको छ। 

जनकपुरधाममा आयोजित महाधिवेशनले डिस्ट्रिक्ट गभर्नरमा शिवकुमार कटुवाल, पहिलो भाइस डिस्ट्रिक्ट गभर्नरमा शङ्करकुमार शारदा र द्वितीय भाइस डिस्ट्रिक्ट गभर्नरमा केशरबहादुर भण्डारीलाई निर्वाचित गरेको हो। डिस्ट्रिक्ट गभर्नर कटुवालले डिस्ट्रिक्ट क्याबिनेट सचिवमा मनोजकुमार सापकोटा, डिस्ट्रिक्ट क्याबिनेट कोषाध्यक्षमा भुवनप्रसाद नेपाल र चिफ डिस्ट्रिक्ट सल्लाहकारमा प्रणिता शर्मा बराललाई मनोनयन गर्नुभएको छ।

डिस्ट्रिक्ट चिफ को–अर्डिनेटरमा अजयप्रसाद खनाल र को–अर्डिनेटरहरू जीएलटीमा लम्बोदर घिमिरे, जीएमटीमा कृष्णज्योति शाक्य, जीएसटीमा इन्द्रबहादुर कार्की र एलसीआईएफमा चक्रपाणि दाहाललाई मनोनयन गरिएको डिस्ट्रिक्ट गभर्नर डा. राजेन्द्र गिरीले जानकारी दिनुभयो।