नदी किनारमा
बाटो सकिन्छ कि फेरिन्छ ?
अलमल्ल त तब हुन्छु
जब आफ्नो गन्तव्यमा पुग्ने बाटोले
मसँगै आएर सोध्छ
भाइ
यो बाटो कहाँ जान्छ ?
कसरी भेटिन्छ
गन्तव्यको अन्त्य ?
सधँै बाले डो¥याएका मेरा हातहरूले
फेरि बालाई नै डो¥याएर हिँडे
तबसम्म
जबसम्म बा तारा बनेनन् ।
कहिलेसम्म डो-याउँला म
छोरीका हातहरू
तबसम्म
जबसम्म उनका हातहरूभन्दा
मेरा हातहरू खस्रा हुने छन् ।
पालै पालो
डोरिँदै डो-याउँदै
तारा बनाउँदै
तारा बन्दै
यसरी तन्किन्छन गन्तव्यहरू ।
बाले जान्नुपर्छ
कहिले डोरिइने भनेर ।
तारा बन्न डराउनेहरू
डोरिन मान्दैनन् ।
कावासोती, नवलपुर
हाल : जापान
