अर्जुन काफ्ले
स्याङ्जा, फागुन २ गते । पुतलीबजार नगरपालिका – २ ज्यामिरेमा स्थानीयले बहुउद्देश्यीय भवन निर्माण गरेका छन् ।
१० वर्षको प्रयासमा सरकारको सहयोग र चन्दा सङ्कलन भएपछि ३ वर्षमा निर्माण सम्पन्न भएको वडा अध्यक्ष भीमबहादुर गुरुङले बताउनुभयो ।
एक रोपनी ११ आना एक पैसा दुई दाममा फैलिएको बहुउद्देश्यीय भवन एक करोड २७ लाख ३७ हजार रुपियाँमा निर्माण भएको हो ।
संसद् विकास कोषबाट पाँच लाख, वडा कार्यालयको छ लाख २५ हजार, गण्डकी प्रदेश पर्यटन मन्त्रालयको दुई आर्थिक वर्षमा २० लाख गरी ३१ लाख २५ हजार सहयोग भएको थियो ।
यस्तै, नौ लाख ८८ हजारको श्रमदान गर्दा ८६ लाख २३ हजार देश तथा विदेश रहेकाबाट चन्दा सङ्कलन गरिएको निर्माण समितिका अध्यक्ष आशबहादुर गुरुङले जानकारी दिनुभयो ।
भवन हालै गण्डकी प्रदेशका मुख्यमन्त्री खगराज अधिकारी उद्घाटन गर्नुभएको हो ।
