प्रभातफेरी कार्यक्रम सम्पन्न

काठमाडौं, पुस ९ गते । एनसीसी अल्मुनाई एसोसिएसन नेपाल (एनसीसीएए) को पाँचौँ वार्षिकोत्सवको अवसरमा शनिबार राष्ट्रिय सेवा दलद्वारा काठमाडौंमा प्रभातफेरी कार्यक्रम सम्पन्न भएको छ ।

प्रभातफेरी काठमाडौंको भोटाहिटी, रत्नपार्क, भद्रकाली र माइतीघर मण्डलाहुँदै जङ्गी अड्डासम्म गरिएको हो । कार्यक्रममा राष्ट्रिय सेवा दलका रथीवृन्द, अधिकृतहरू, एन्सीसीएएका  पदाधिकारीहरू, दलका पूर्व तथा तालिमरत क्याडेटहरु र सैनिक व्याण्डको सहभागिता रहेको थियो ।

उक्त कार्यक्रमपश्चात् राष्ट्रिय सेवा दलका कार्यकारी महानिर्देशक उपरथी सुरेशकुमार कार्कीद्वारा जङ्गी अड्डास्थित सभामण्डप हलमा आयोजित एक कार्यक्रमकाबीच प्रभातफेरी कार्यक्रममा सहभागी टोलीलाई सम्बोधन गर्नु भएको थियो । यस अवसरमा एनसीसीएएले विभिन्न जिल्लाहरूमा पनि प्रभातफेरी लगायत विभिन्न कार्यक्रमहरू आयोजना गरेको छ ।