मुक्तक

तिमीसँग मनभित्रका कुरा गर्नै बाँकी छ

सुन्दर सपना सजाएर जिउनै बाँकी छ

मात्र होस् ढुकढुकीको हलचल मन्द मन्द

नशालु प्याला भरेर पिउनै बाँकी छ ।

मनभित्रका पीडाहरू तिमीलाई पोख्न सकूँ

मनको आँखा उघारेर तिम्रै पीडा देख्न सकूँ

खिसी र डाहा गर्नेहरू धेरै होलान् यहाँ

जसले जेजे दिए पनि मेरो हातले छेक्न सकूँ ।

सानातिना कुराले नै छुन्छ मेरो मन

एकैछिन छुट्दा पनि रुन्छ मेरो मन

यो मन भन्ने चिज बडो अचम्मको रै’छ

कहिले त्यसै प्रफुल्ल हुन्छ मेरो मन ।