वसन्त पराजुली
नारायणगढ, असोज २० गते । नारायणगढ मुग्लिन सडकको पहिरो पन्छाएर राजमार्ग सञ्चालनमा ल्याइएको छ ।
राजमार्गमा खसेको लेदो माटोसहितको पहिरो पन्छाएर केहीबेर अघिदेखि राजमार्ग सञ्चालनमा ल्याइएको हो ।
सडकको १७ किलो र २१ किलोमा पहिरो खस्दा विहान ८ बजेर २० मिनेटबाट सडक अवरुद्ध भएको थियो ।
अहिले स्क्याभेटरको माध्यमबाट पहिरो पन्छ्याइए पनि वर्षा जारी रहेकाले कुनै पनि बेला पुनः पहिरो खस्न सक्ने भएकाले सचेत भएर यात्रा गर्न डिभिजन सडक कार्यालय भरतपुरका इन्जिनियर राजिक मानन्धरले अनुरोध गर्नुभएको छ ।
