काठमाडौं, भदौ १८ गते ।
बिहानीपखको उदाउँदो सूर्य: पर्वतको दक्षिण भेगका स्थानीयबासीलाई सदरमुकाम कुश्मा आउन सहज होस् भनेर बनाइएको त्यो बेलाको नेपालकै अग्लो तथा लामो कुश्मा–ज्ञादी झोलुङ्गे पुल । अविच्छिन्न बगिरहने मोदी खोला देखि १३५ मिटर उचाइमा रहेको यस पुलको लम्बाइ चाहिँ ३४४ मिटर रहेको छ । अहिले सदरमुकाम आसपासमै अग्ला तथा लामा झोलुङगे पुलहरुको सङ्ख्या आधा दर्जनभन्दा बढी पुगिसकेका छन् ।
भाग्दै गरेका नाउर: मनाङ ङिस्याङ गाउँपालिका– ८ थोरङ्ला हाईक्याममा (४ हजार ८ सय मिटर उचाईमा) चर्दै गरेका नाउर मानिसलाई देखेपछि तर्सिएर भाग्दै । यिनीहरु गर्मी याममा हिमालको माथिल्लो भागमा र जाडो यममा तल झर्ने गर्दछन् ।
तिलाचन ताल : तीन हजार दुई सय मिटर उचाइमा रहेको तिलाचन ताल । जुन ताल बागलुङको निसीखोला गाउँपालिका र रोल्पाको सुनछहारी गाउँपालिकाको सिमानामा पर्छ ।
चरिचरण गर्दै भैँसी : जाजरकोट बारेकोट गाउँपालिका–४ बेलासपुर रोल्पा पाटन र डोल्पाको मुड्केचुला गाउँपालिको बीचमा रहेको क्षेत्रमा चरिचरण गर्दै भैँसी । यहाँ गाउँभरीका भैसी एक जनाले हेर्ने गरी पाटनमा चरिचरण गराउने चलन रहेको छ ।
कालीगण्डकी नदी माथि बनेको मोटरेवल पुल : मुस्ताङको बारागुङ मुक्तिक्षेत्र गाउँपालिका–३ छुसाङस्थित कालीगण्डकी नदी माथि बनेको मोटरेवल पुल । यो पुल निर्माण भएपनि तल्लो मुस्ताङबाट उपल्लो मुस्ताङ र कोरला नाका पुग्न सहज भएको छ ।
सुन्दर रत्नेचौर: बेनी नगरपालिका वडा नं १ मा पर्ने रत्नेचौर प्राकृतिक सौन्दर्यले भरिपूर्ण छ । वरपर धान खेत र बीचमा भएका घरहरुले धेरैलाई आकर्षण गरिरहेको छ ।
ऐतिहासिक तथा धार्मिक महत्वको देउढुँगा: मित्रराष्ट्र चीनको स्वशासित क्षेत्र तिब्बतसँग जोडिएको भोटेकोशी गाउँपालिकामा रहेको ऐतिहासिक तथा धार्मिक महत्वको देउढुँगा ।
गर्मी भगाउन फाइदा: गर्मी भगाउन सुनसरीको रामधुनी नहरमा पौडी खेल्दै स्थानीय बालक ।
अलपत्र अवस्थामा रहेको पुल: चामे–खाङसार सडक खण्ड अन्तर्गत ङिस्याङ गाउँपालिका– ५ मुङ्जेमा मर्स्याङदी नदीमा निर्माणाधिन अलपत्र अवस्थामा रहेको पुल । ठेकेदार कम्पनीले एक वर्षमा मोटरेबल पुल निर्माण सम्पन्न गर्ने गरि वि.सं. २०७२ सालमा ठेक्का सम्झौता गरेपनि निर्माण पुरा नहुँदा यो सडक खण्डको यात्रा कष्टकर बन्न पुगको छ ।
सप्तकोसीमा माछा मार्न जाल हान्दै माझी : सप्तकोसी नदीमा माछा मार्न जाल हान्दै स्थानीय माझी । पुस्तौँदेखि माछा मारेर जीवन निर्वाह गरिरहेका उनीहरू सप्तकोसी नदीमै आश्रित छन् ।
तस्बिरहरुः रासस
