असारको रात
उखर्माउलो गर्मी
तृष्णाले मडारिएको आँत
पानी बोकेर
आफ्नै प्यासमा
तिर्खाएको बादल
बिजुलीको विशाल
आमसभा छिचोलेर
उर्लिएको मुसलधारे वर्षा
गह्रा गह्रामा
हिलो छिचोल्दै
मडारिएको भेल
भेलसँगै
टुकीको उज्यालोमा
मग्मगाएको रजनीगन्धा
पर्बाहमा त्यो वासनाको
विना बर्सादी निस्किएको
बेलगाम
बेपर्बाह एक निशाचर !
ऊ रुझेको छ निथ्रुक्क
रातको स्पर्शले
र
एउटा सग्लो शरीर
पानी पानी भएको छ ।
इलाम
हाल ः भर्जिनिया, अमेरिका ।
