पौडीमा नासिरलाई थप तीन स्वर्ण

काठमाडौं, असार २७ गते । नासिर याह्या हुसेनले १०औं एनएसए कप खुला तथा उमेर समूह पौडी प्रतियोगितामा थप तीन स्वर्ण जित्नुभएको छ । यससँगै नासिरको यस प्रतियोगितामा पाँच स्वर्ण पुगेको छ ।

सातदोवाटो स्थित पौडी पोखरीमा सोमबार नासिरले २०० मिटर फ्रिस्टाइल, १०० मिटर ब्रेष्टस्ट्रोक र १०० मिटर बटरफ्लाईमा स्वर्ण जित्नुभएको हो । महिलातर्फ दुवाना लामाले दुई स्वर्ण र एक रजत जित्नुभयो ।

दुवानाले २०० मिटर फ्रिस्टाइल र १०० मिटर ब्रेष्टस्ट्रोकमा स्वर्ण जित्नुभएको हो । नेपाल पौडी संघले आयोजना गरेको प्रतियोगितामा दुवानाले १०० मिटर बटरफ्लाईमा भने निभा मास्केसँग पराजित हुँदै रजतमा चित्त बुझाउनुभयो ।