नयाँदिल्ली, पुस ३ गते । अफगानिस्तानका जनस्वास्थ्यमन्त्री मावलवी नूर जलाल जलालीले भारत र अफगानिस्तानबिच परम्परागत चिकित्सा प्रणालीमा सहयोग बढाउन राज्यमन्त्री प्रतापराव जाधवसँग छलफल गरेको जनाइएको छ ।
छलफलमा उनीहरूले शिक्षा, अनुसन्धान, नियमन र स्वास्थ्य सेवा वितरणमा आपसी सहयोगका लागि नयाँ मार्गको लागि पनि ध्यान केन्द्रित गरेको उल्लेख गरिएको छ । सामाजिक सञ्जाल एक्समा विवरण सार्वजनिक गर्दै मन्त्रालयले परम्परागत औषधिमा दोस्रो डब्ल्यूएचओ ग्लोबल समिटको अतिरिक्त बैठक भएको बताएको छ ।
छलफल आयुर्वेद, युनानी र होम्योपेथी लगायत परम्परागत चिकित्सा प्रणालीमा सहकार्य बढाउन केन्द्रित रहेको बताइएको छ । मन्त्रालयले यस अन्तरक्रियाले समग्र र जन-केन्द्रित स्वास्थ्य सेवाको महत्वपूर्ण स्तम्भको रूपमा परम्परागत औषधि प्रवद्र्धन गर्न भारत र अफगानिस्तानको साझा प्रतिबद्धतालाई पुनः पुष्टि गरेको छ ।
यस अघि, केन्द्रीय स्वास्थ्यमन्त्री जे.पी.नड्डाले बुधबार अफगानिस्तानका मन्त्री जलालीसँग फलदायी बैठक गरी मानवीय र स्वास्थ्य सेवामा ध्यान केन्द्रित गरेको बताइएको छ । भेटका क्रममा भारतले द्विपक्षीय संलग्नताको प्रमुख स्तम्भका रूपमा औषधि र स्वास्थ्य सहायताको दीर्घकालीन आपूर्तिमा जोड दिँदै अफगानिस्तानका लागि मानवीय सहयोग जारी राख्ने आफ्नो प्रतिबद्धता जनाएको छ ।
सहयोगको एक भागको रूपमा, क्यान्सर औषधि र खोपको प्रतीकात्मक हस्तान्तरण गरिएको थियो । जसअन्तर्गत देशमा स्वास्थ्य सेवालाई सुदृढ पार्न सीटी स्क्यानरसहित औषधि र खोपको ठूलो मात्रा पनि अफगानिस्तान पठाइएको जनाइएको छ ।
स्वास्थ्य-केन्द्रित छलफलका लागि कूटनीतिक पृष्ठ भूमि प्रदान गर्दै एक दिन अघि देशको पहिलो आधिकारिक भ्रमणमा अफगान जनस्वास्थ्यमन्त्री मावलवी नूर जलाल जलाली भारत आएपछि यो सहकार्य भएको हो । भ्रमणले फगानिस्तानको स्वास्थ्य सेवा प्रणालीका लागि भारतको स्थायी समर्थन मानवीय पहुँचमा निरन्तरतालाई उजागर गरेको छ । रासस/एएनआई
