जाजरकोटमा गर्भवतीका लागि अल्ट्रासाउन्डसेवा सुरु

सहदेव बस्नेत
जाजरकोट, साउन ३० गते । जाजरकोटको कुशे गाउँपालिका–२ टालेगाउ स्वास्थ्य चौकीले गर्भवती महिलाहरुका लागि अल्ट्रासाउन्ड (भडियो एक्सरे) सेवा सञ्चालनमा ल्याएको छ ।

स्वास्थ्य चौकी टालेगाउमा कुशे– १ र २ का गर्भवती तथा सुत्केरी महिलाहरुका लागि ग्रामीण अल्ट्रासाउन्ड (भिडियो एक्सरे )सेवा वडा नं २ का वडा अध्यक्ष मानबहादुर सिंहले औपचारिक रूपमा उद्घाटन गर्नुभएको छ । अध्यक्ष सिंहले सो सेवा नियमित रूपमा सुचारु हुने र सेवा लिन समेत सेवाग्राहीहरुलाई आग्रह समेत गर्नुभएको छ ।

टालेगाउ स्वास्थ्य चौकीका प्रमुख शेरबहादुर बस्नेतले केयर नेपालको आर्थिक सहयोग तथा कुशे गाउँपालिका स्वास्थ्य शाखा र स्वास्थ चौकी टालेगाउको समन्वयमा उक्त सेवा संचालनमा ल्याइएकोे बताउनुभयो ।

यस सेवा सञ्चालनसँगै यस क्षेत्रका गर्भवती तथा सुत्केरी आमाहरुलाई सहज हुने बस्नेतको भनाइ छ । सेवा सुचारु भएसँगै यहाँका गर्भवती तथा सुत्केरी आमाहरुलाई एक दिनको यात्रा गरेर सदरमुकाम को जिल्ला अस्पतालसम्म पुग्नु पर्ने बाध्यताको अनत्य भएको प्रमुख बस्नेतले बताउनुभयो ।