राजु लामिछाने
रुकुमपश्चिम, साउन ८ गते । बाँकेको नेपालगञ्जबाट रुकुमपश्चिमको चौरजहारी आउँदै गरेको यात्रुवाहक हाइस गाडी सल्यानमा दुर्घटना भएको छ । आज (बिहीबार) दिँउसो १२ बजे सल्यानको कुमाख गाउँपालिका-२ नेटानजिक भे १ ख ३९९४ नम्बरको हाइस दुर्घटना भएको हो ।
इलाका प्रहरी कार्यालय रागेचौर सल्यानका प्रहरी निरीक्षक धर्मेन्द्र खड्काले दुर्घटनाको सूचनालगत्तै घटनास्थलतर्फ प्रहरी परिचालन भएको जानकारी दिनुभयो । उहाँका अनुसार केही यात्रुहरु गम्भीर घाइते भएका छन् ।
नेटानजिकैको माथिल्लो मोडबाट गाडी दुर्घटना भएर तल्लो मोडमा पुगेको उद्धार कार्यमा रहनुभएका यात्रु ओम केसीले जानकारी दिनुभयो । उहाँका अनुसार गाडी चालक पारस आचार्यसहित करिब बाह्रजना यात्रु घाइते भएका छन् । घाइतेमध्ये केहीको अवस्था गम्भीर छ ।
घाइतेहरुको उद्धारका लागि चौरजहारी नगरपालिकाबाट नगर प्रहरी र एम्बुलेन्स घटनास्थलततर्फ गएको बताइएको छ । दुर्घटनाको पूरा विवरण आउन बाँकी छ । अहिले घाइतेको उद्धारकार्य जारी रहेको प्रहरीले जनाएको छ
