.jpg)
काठमाडौँ, असार १९ गते । अखिल नेपाल फुटबल सङ्घ (एन्फा) को आयोजनामा शुक्रबारदेखि एन्फा यु–१६ युथ लिग हुने भएको छ ।
एन्फा मैदान सातदोबाटोमा हुने लिगमा ए डिभिजनका १४ वटै क्लबको सहभागिता रहने छ । उद्घाटन खेलमा मनाङ मर्स्याङदी र श्री भगवती क्लबबिच प्रतिस्पर्धा हुने छ ।
लिगको सम्पूर्ण तयारी पूरा भएको बिहीबार आयोजित पत्रकार सम्मेलनमा जानकरी दिइयो । लिगको विजेता टोलीले एक लाख रुपियाँ र उपविजेता ५० हजार रुपियाँ पुरस्कार पाउने छ ।
यस्तै व्यक्तिगत विधाका उत्कृष्ट खेलाडीर अनुशासित टोलीलाई १५, १५ हजार रुपियाँ प्रदान गरिने एन्फाले जनाएको छ ।
सहभागी टोलीलाई एन्फाले तयारी खर्च स्वरूप तीन लाख ५० हजार रुपियाँ उपलब्ध गराउने छ । लिगको बजेट एक करोड दुई लाख रुपियाँ रहेको छ ।
