नवीनराज कुइँकेल
लमजुङ, असार १८ गते । बुधबार राति अविरल वर्षाका कारण पहिरो जाँदा लमजुङको मर्स्याङ्दी गाउँपालिकामा एक व्यक्तिको धन्सार भत्किएको छ भने पुरिएर पाँच वटा बाख्रा मरेका छन् ।
पहिरोले मर्स्याङ्दी गाउँपालिका–३, तरापुस्थित खुमबहादुर गुरुङको धन्सार भत्किएको हो । धन्सार भित्र रहेका पाँच वटा बाख्रा पुरिएर मरेको अवस्थामा फेला परेको प्रहरी निरीक्षक एवम् सूचना अधिकारी राजकिशोर साह तेलीले बताउनुभयो ।
प्रहरी चौकी खुदीको टोली र स्थानीयले पहिरो पन्छाउन सहयोग गरेका थिए । क्षतिको विवरण सङ्कलन भइरहेको प्रहरीले जनाएको छ ।
