काठमाडौं, जेठ २८ गते । फिल्म ‘काँडेतार’को टिजर रिलिज भएको छ । नवल खड्काको निर्देशन रहेको फिल्मको टिजर शुक्रबार युट्युबमार्फत सार्वजनिक गरिएको हो ।
सामना फिल्म्स प्रालिको ब्यानरमा बनेको फिल्मको लेखन शिवम् अधिकारी र नवलले गर्नुभएको हो । फिल्ममा नवल खड्का, गौरव पहारी, रेविका गुरुङ, सुरविना कार्की, मुरलीधर, प्रेम सुब्बा, परशुराम चौधरी, सञ्जय खतिवडा, राजेन्द्र भगत, पन्नालाल सिकदार, प्रकाश गिरीका साथै बाल कलाकार नादिया खड्का र सनया खड्काले अभिनय छ ।
मणि थापा र दीपक शर्माको सङ्गीत रहेको ‘काँडेतार’को छायाङ्कन सौरभ लामाले गर्नुभएको हो ।
फिल्ममा श्री श्रेष्ठको द्वन्द्व र कविराज गहतराजको कोरियोग्राफी रहेको छ भने नवल खड्का, माकिको राई र अञ्जु केसीको निर्माण रहेको छ । यस्तै, फिल्मकी कार्यकारी निर्माता सत्यकला राई हुन् ।
