स्वाभिमान अग्लो मेरो शैलश्रेणी बास
सर्वस्व यै देश मेरो कर्मभूमि खास ।
ध्यान ध्यानी ज्ञानभूमि सभ्य शिवधाम
तराई छ चौडा मेरै बुद्धभूमि जान ।
हिमचुलीको सेतो तन्ना, नैनसुतको फेटा
रङ्ग–रूप नियालेर गाउँछ डाँफे गीत ।
इन्द्रेनीको माला लाउने गुराँसको प्रीत
कञ्चनजङ्घा सगरमाथा शीर हुन् कि जीत ?
कतै कलकल छङछङ पानी नाचिरा’छ भीर
द्यौरालीमा वनपाखामा बोल्छन् चिरबिर ।
पहेँलपुर चुलिएको घमाइलो छ देश
दुःखकष्ट भुल्याउने यै हो स्वर्ग एक ।
