एक सय ३८ केजी गाजासहित चालक पक्राउ

सुधा देव

भारदह(सप्तरी), वैशाख १७ गते । सप्तरी प्रहरीले छुट्टाछुट्टै ठाउँबाट लागुऔषध एक सय ३८ केजी गाजासहित एक जनालाई पक्राउ गरेको छ । पक्राउ पर्नेमा उदयपुर बेलका नगरपालिका वडा नं ३ का अन्दाजी ४३ वर्षीय जयराम दाहाल रहेका छन्  ।

इलाका प्रहरी कार्यालय कञ्चनपुरबाट खटिएको प्रहरी टोलीले फत्तेपुरबाट डिमनतर्फ जाँदै गरेको गरेको प्र. १–०२–००३ ह. २८३४ नं को अटो र ५८ केजी गाजासहित दाहाललाई जिल्लाको तिरहुत गाउँपालिका वडा नं २ वडहराबाट र कञ्चनपुर वडा नं २ बरमझियाबाट स. १ ह. १७ १६ नं अटोबाट ७९.७६ केजी गाजा पक्राउ गरेको जिल्ला प्रहरी कार्यालय सप्तरीका डिएसपी जितेन्द्र बस्नेतले जानकारी दिनुभएको छ ।

शङ्का लागेर अटो चेक जाँच गर्दाभित्र लुकाएर राखेको सेतो प्लास्टिकको दुई वटा पोका सेतो बोरा भित्र गाजा बडहराबाट फेला परेको र बरमझियामा अटो भित्र लुकाएर राखेको तीन वटा बोरा,एउटा सुटकेस र एउटा कपडाको झोला सहित अटो फेला परे पनि चालक फरार रहेको उहाँले बताउनुभयो । उहाँले भन्नुभयो, पक्राउ पर्ने अटो चालक दाहाल र दुवै अटो प्रहरीको नियन्त्रणमा रहेको र घटनाको थप अनुसन्धान भइरहेको छ ।