गोरखापत्र समाचारदाता
काठमाडौँ, चैत १९ गते । कतार सरकारले विभिन्न कसुरमा सजाय पाएका १८ नेपालीलाई आममाफी दिएको छ । कतारस्थित नेपाली दूतावासका अनुसार कतार सरकारले रमदान र इदको अवसरमा थुप्रै आप्रवासीलाई आममाफी दिएकोमा १८ जना नेपालीले यो अवसर प्राप्त गरेका हुन् ।
कतारमा हाल विभिन्न कसुरमा कैद सजाय भुक्तान गरिरहेका नेपालीको सङ्ख्या तीन सयको हारहारीमा रहेको बताइन्छ । दूतावासले आममाफीको निर्णयका लागि कतार सरकारप्रति आभार व्यक्त गरेको छ ।
नेपाल र कतार राज्यबिचको द्विपक्षीय सम्बन्धमा सौहार्दताको प्रतीकका रूपमा मानवीय आधारमा क्षमादानको यस प्रकारको कार्यलाई दूतावासले उच्च सम्मान गरेको छ ।
