copy.jpg)
काठमाडौँ, चैत १५ गते । काठमाडौँ उपत्यकाका विभिन्न स्थानमा जम्मा भएर सुन्धारा, रत्नपार्क हुँदै समाजवादी मोर्चाको आमसभा अहिले भृकुटीमण्डमा सुरु भएको छ । अहिले विभिन्न दलका नेताहरूले सम्बोधन गर्ने क्रम सुरु भएको छ ।
भृकुटीमण्डप पुग्नुअघि समाजवादी मोर्चाले झाँकीसहित जुलुस निकालेको थियो । मोर्चावादीका नेता तथा कार्यकताहरू अहिले सभास्थल भृकुटीमण्डमा जम्मा भएका छन् ।
शुक्रबार राजधानीको भृकुटीमण्डपमा समाजवादी मोर्चा (नेकपा माओवादी केन्द्र, एकीकृत समाजवादी, नेकपा र नेसपा) ले विभिन्न नारा लगाउँदै प्रदर्शन गरेका हुन् ।
मोर्चामा रहेको नेपाल कम्युनिष्ट पार्टीका महासचिव नेत्रविक्रम चन्दलगायतका नेताहरूले जुलुसको नेतृत्व गरेका छन् ।
सभास्थलमा माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाललगायतले सम्बोधन गर्ने कार्यक्रम छ ।
