काठमाडौँ, चैत ५ गते । श्रीभगवती क्लबले सहिद स्मारक ‘बी’ डिभिजन लिग फुटबलमा लगातार दोस्रो जित निकालेको छ ।
एन्फा मैदान सातदोवाटोमा मङ्गलबार भएको खेलमा श्रीभगवतीले ब्रिगेड ब्वाइज क्लबलाई २–० गोलले हरायो । श्रीभगवतीको जितमा सुलेमन थापामगरले ३०औँ र दिपेश श्रेष्ठले ८४औँ मिनेटमा गोल गर्नुभयो ।
जितसँगै श्रीभगवतीले दुई खेलमा ६ अङ्क बनाएको छ । दुई खेलमा पहिलो हार खेपेको ब्रिगेड ब्वाइजको तीन अङ्क छ । अर्को खेलमा मध्यपुर युथ एसोसिएसनले झापा फुटबल क्लबलाई २–१ गोलले हराएको छ ।
