काठमाडौँ, चैत ५ गते । प्रधानमन्त्री कप राष्ट्रिय पुरुष एकदिवसीय क्रिकेट प्रतियोगिताअन्तर्गत मङ्गलबार कर्णाली र बागमती प्रदेश विजयी भएको छ ।
बुटवलको एक्ट्राटेक ओभल मैदानमा भएको खेलमा कर्णालीले कोशी प्रदेशलाई एक सय २७ रनले हरायो ।
जितका लागि कर्णालीले दिएको दुई सय १९ रनको लक्ष्य पछ्याएको कोशी ३५ ओभरमा सवै विकेटको क्षतिमा ९१ रनमा समेटिएको थियो ।
कर्णालीको यो दोस्रो जित हो । जितसँगै कर्णालीले पाँच खेलबाट चार अङ्क बनाएको छ । ६ खेल सकेको कोशीको पाँचौँ हारसँगै दुई अङ्क छ ।
यस्तै सिद्धार्थ क्रिकेट मैदानमा भएको अर्को खेलमा इशान पाण्डेको अलराउन्ड प्रदर्शनमा बागमतीले गण्डकी प्रदेशलाई ६९ रनले हरायो ।
जितका लागि बागमतीले दिएको दुई सय ८९ रनको लक्ष्य पछ्याएको गण्डकी ४४ ओभरमा सबै विकेटको क्षतिमा दुई सय १९ रनमा समेटिएको थियो ।
जितसँगै बागमतीले पाँच खेलबाट चार अङ्क बनाएको छ । पराजित गण्डकीको समान खेलबाट दुई अङ्क छ ।
