दुर्घटनामा कांग्रेस नेता बालकृष्ण पौडेलको निधन

अमरराज नहर्की
तनहुँ, फागुन २५ गते । मोटरसाइकल दुर्घटनामा नेपाली कांग्रेसका एक नेताको निधन भएको छ । दुर्घटनामा शुक्लागण्डकी नगरपालिका–५ बेलचौतारा निवासी कांग्रेस तनहुँको आमन्त्रित सदस्य वर्ष ५२ को बालकृष्ण पौडेलको निधन भएको हो ।

पृथ्वीराजमार्गअन्तर्गत पोखराबाट बेलचौतारा जाँदै गरेको ग. १३ प. ५०६२ नम्बर नम्बरको मोटरसाइकल तनहुँको शुक्लागण्डकी नगरपालिका–२ नर्सरीमा आफैँ अनियन्त्रित भई शनिबार राति दुर्घटना हुँदा उहाँ घाइते हुनुभएको थियो । घाइते पौडेलको बेलचौतारास्थित जिपी कोइराला श्वासप्रश्वास उपचार केन्द्रमा उपचारका लागि लगिएकोमा चिकित्सकले शनिबार राति उहाँलाई मृत घोषणा गरेको जिल्ला प्रहरी कार्यालय तनहुँका प्रमुख वीरेन्द्रबहादुर शाहीले जानकारी दिनुभयो । 

उहाँको निधन प्रति नेपाली कांग्रेस तनहुँद्वारा शोक विज्ञप्ति प्रकाशित गरी दुःख व्यक्त गरिएको छ । यसैगरी, नेपाली कांग्रेसका केन्द्रीय सदस्यहरू शङ्कर भण्डारी, गोविन्द भट्टराईले आइतबार शोक विज्ञप्ति मार्फत गहिरो दुःख व्यक्त गर्नु भएको हो ।