विजयकुमार साह
ढल्केबर, फागुन २५ गते । धनुषाको सबैला नगरपालिकाले मिथिला माध्यमिकी परिक्रमाका भक्तजनलाई स्वागत गर्न एक दिने स्थानीय बिदा दिएको छ । परिक्रमा अन्तर्गत १० औं दिनमा परिक्रमाका यात्री सबैला नगरपालिकाको सतोषरधाममा विश्राम गर्ने भएकाले आइतबार एक दिने स्थानीय बिदा दिएको हो ।
सतोषरधाममा पौराणिक कालदेखि नै फागुन शूल्क दशमीका दिन मिथिला माध्यमिकी परिक्रमाका यात्री विश्राम गर्ने भएका बिदा घोषणा गरिएको सबैला नगरपालिकाका नगर प्रमुख कारीराम यादवले बताउनुभयो । उहाँले विश्रामस्थलमा हजारौं साधुसन्ध उपस्थिति रहने भएकाले यस अवधिमा मेला क्षेत्र तथा परिक्रमा मार्गमा मदिरा निषेध गरिएको जानकारी दिनुभयो।
मिथिलाको महाकुम्भ मानिने १५ दिने मिथिला माध्यमिकी परिक्रमा फागुन १५ गते धनुषाको कचुरीबाट सुरु भएको थियो । परिक्रमाका यात्रीहरूले हनुमागढी, फुलहर, मठिहानी, जलेश्वर, मडई, ध्रुवकुण्ड, कन्चनवन, पर्वत्ता, धनुषाधाम र सतोषरसम्म यात्रा तय गरिसकेका छन् ।
अब औरही करुणा, बिसौल हुँदै फागुपूर्णिमाको दिन जनकपुर फर्केर नगरको पाँचकोसे अन्तरगृह परिक्रमा गरी समापन गरिनेछ ।
