बागमतीसँग बराबरीमा रोकियो पुलिस

काठमाडौँ, माघ ५ गते । विभागीय टोली नेपाल पुलिस क्लब एन्फा राष्ट्रिय महिला सुपर लिग फुटबलमा बागमती युथ क्लबसँग बराबरीका रोकिएको छ ।

सातदोबाटोस्थित एन्फा मैदानमा शनिबार भएको खेलमा पुलिस बागमतीसँग गोलरहित बराबरीका रोकिएको हो । प्रतिस्पर्धात्मक खेलमा दुवै टोलीले गोलको अवसर बनाए पनि सदुपयोग गर्न सकेनन् । 

बराबरीसँगै ११ अङ्क बनाएको नेपाल पुलिस तेस्रो स्थानमा छ । चार अङ्क बनाएको बागमती चौथो स्थानमा छ । तालिकाको शीर्षस्थानमा रहेको एपिएफ क्लबको १८ र दोस्रो स्थानमा रहेको त्रिभुवन आर्मी क्लबको १३ अङ्क छ ।

वालिङ नगरपालिकाले अङ्कको खाता खोल्न सकेको छैन । माघ १६ गतेसम्म चल्ने दोस्रो चरणको लिगमा पाँच टोलीबिच प्रतिस्पर्धा भइरहेको छ ।