सलिम मियाँ
बिजुवार, पुस १० गते । प्युठानको ऐरावती गाउँपालिका–५ बालिबिसौनामा ट्याक्टर दुर्घटना हुँदा सहचालकको मृत्यु भएको छ भने चालक घाइते भएका छन् ।
मङ्गलबार साँझ गोठिवाङ्ग खोलादेखि ढुङ्गा बोकेर मल्लरानी –३ चौरपानीतर्फ जाँदै गरेको रा. १ त. ४४४५ नम्बरको ट्याक्टर दुर्घटना हुँदा ऐरावती–२, तेस्रापाटाका सहचालक २७ वर्षीय बिजय साप्कोटाको मृत्यु भएको प्रहरी निरीक्षक निरन्जन रिजालले जानकारी दिनुभयो ।
दुर्घटनामा सोही ठाउँका चालक २३ वर्षीय शान्तबहादुर रावत घाइते हुनुभएको छ । घाइते चालकको जिल्ला अस्पताल बिजुवारमा उपचार भइरहेको प्रहरीले जनाएको छ ।
