गोरखापत्र समाचारदाता
काठमाडौँ, पुस १० गते । कुमार गुरुङको शब्द सङ्गीत, नन्दु गुरुङको स्वर, सिलाम साक्मा प्रोडक्सन हाउसको प्रस्तुति रहेको ‘जङ्गली काँडा’ म्युजिक भिडियोको पोस्टर मङ्गलबार सार्वजनिक भएको छ । कलाकारहरू बादल श्रेष्ठ, क्रिस गुरुङ, तुल्सा सारुमगरको अभिनय रहेको भिडियोमा पूर्वराष्ट्रिय फुटबल खेलाडी सुरेन्द्र तामाङको समेत अभिनय रहेको छ ।
मगर गाउँमा होमस्टे चलाएर बसेकी एक युवतीको मायाप्रेमको कथालाई गीतमा देखाउन खोजिएको निर्देशक बारत लिम्बूले बताउनुभयो । गीतलाई सुमन तामाङले छायाङ्कन गर्नुभएको हो भने अर्जुन खड्काले पोस्टर डिजाइन, विकास धमलाले सम्पादन गर्नुभएको छ ।
