गोरखापत्र समाचारदाता
काठमाडौँ, पुस १० गते । नायिका प्रियङ्का कार्की अभिनीत गीत ‘दिलमा चुकुलु’ को म्युजिक भिडियो सार्वजनिक भएको छ । दीपक शर्माको शब्द, सङ्गीत र साहस शाक्यको एरेन्ज रहेको गीतको भिडियोलाई प्रहिल कार्कीले निर्देशन गर्नुभएको हो । गीतमा नम्रता तामाङको स्वर रहेको छ । विनोद न्यौपानेको अभिनय रहेको गीतमा अजय रेग्मीको छायाङ्कन तथा माधव बेल्बासेको सम्पादन रहेको छ । भिडियोलाई ओएसआर डिजिटलको युट्युब च्यानलमार्फत सार्वजनिक गरिएको हो ।
