राजीवको निर्देशनमा ‘रातो घोडा सेतो घोडा’

गोरखापत्र समाचारदाता

काठमाडौँ, मङ्सिर १९ गते । राजीव समरको निर्देशनमा ‘रातो घोडा सेतो घोडा’ बोलको गीतको भिडियो सार्वजनिक गरिएको छ । गायक दीपक भुजेल र गायिका रचना रिमालको आवाज रहेको गीतमा डिपी खनालको शब्द र  शङ्कर थापा स्माइलको सङ्गीत रहेको छ । गीतमा एक जोडी प्रेमीको प्रेमकथालाई दर्साइएको छ । गीतमा गायक दीपकसँगै मोडल अस्मिता जुरेलीको अभिनय देख्न सकिन्छ । विश्व अधिकारीको एरेन्ज रहेको गीतको नृत्य निर्देशन राजीव समरले गर्नुभएको छ ।