काठमाडौं, मङ्सिर १४ गते । प्रधान सेनापति महारथी अशोकराज सिग्देलले रथी दर्जामा पदोन्नति हुनुभएका उपरथी प्रदीपजंग केसीलाई रथी दर्जाको दर्ज्यानी चिह्न प्रदान गर्नुभएको छ ।
उहाँ नेपाल सरकार, मन्त्रिपरिषद्को निर्णय बमोजिम रथी दर्जामा पदोन्नति हुनुभएको हो । पदोन्नतिसँगै रथी केसी बलाध्यक्षमा नियुक्त हुनुभएको छ । दर्ज्यानी चिह्न प्रदान गर्न आयोजित कार्यक्रममा रथीवृन्द तथा अधिकृतहरूका साथै परिवारजनको उपस्थिति थियो ।
