गोरखापत्र अनलाइन
काठमाडौं, मंसिर ६ गते । गोरखापत्रको बहुभाषिक पुष्ठ ‘नयाँ नेपाल’ अन्तर्गतको उराँव भाषा पृष्ठ संयोजक बेचन उराँव सम्मानित हुनुभएको छ । सामाजिक तथा भाषिक क्षेत्रमा उत्कृष्ट काम गरेको भन्दै उहाँलाई सम्मानित गरिएको हो ।
नयाँ दिल्लीस्थित हार्दिङ मेडिकल कलेजको वार्षिकोत्सव तथा स्वर्ण जयन्तीको अवसरमा उहाँलाई सो कलेजले सम्मानित गरेको हो । भारतका सांस्कृतिक मन्त्री जुएल उराँव र असम सरकारका राज्यपाल लक्ष्मणप्रसाद आचार्यले संयुक्त रूपमा बीरसा मुन्डा सम्मानले उहाँलाई सम्मानित गर्नुभयो ।
