स्कारपियोको ठक्करबाट एकको मृत्यु

बाबुराम कार्की

वराहक्षेत्र, मङ्सिर ४ गते । सुनसरीको रामधुनी नगरपालिका –२ शिवचोकस्थित पूर्व–पश्चिम राजमार्गमा मंगलबार दिउँसो सवारी दुर्घटना हुँदा रामधुनी –९ की ३६ वर्षकी सोनीयाकुमारी चौधरीको मृत्यु भएको हो ।

पश्चिमबाट पूर्वतर्फ जाँदै गरेको प्रदेश १–०२–००४ ख. ४३१५ नम्वरको सिटी सफारीलाई पश्चिमबाट आएको युपी १६, इके १९८९ नम्बरको भारतीय स्कारपियोले पछाडिबाट ठक्कर दिँदा सिटि चालकको स्थानीय अस्पतालमा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । 

ठक्कर दिने स्कारपियो चालक विहार सितामढी सोनबजार बस्ने वर्ष ३४ को अनिरुद्र सुढीलाई प्रहरीले नियन्त्रणमा लिई इलाका प्रहरी कार्यालय पकलीमा राखी थप अनुसन्धान अघि बढाएको जनाएको छ ।