रुखले किचेर एकको मृत्यु

कोकिला भण्डारी

धनकुटा, मंसिर ४ गते । धनकुटा जिल्लास्थित महालक्ष्मी नगरपालिका–२ का एक व्याक्तिलाई रुखले किचेर मृत्यु भएको छ । मृत्यु हुनेमा महालक्ष्मी नगरपालिका–२ का जनक मगर रहेको प्रहरी चौकी चानुवाले जनाएको छ । 

महालक्ष्मी ४ स्थित बतासे टोलमा रूख काट्ने क्रममा रूख लडेर मगरलाई थिचेको थियो । घटनाको जानकारी पाउनसाथ प्रहरी चौकी चानुवाको टोली घटनास्थलमा पुगेको जिल्ला प्रहरी कार्यालय धनकुटाका प्रहरी निरीक्षक विष्णु खड्काले जानकारी दिनुभयो ।