काठमाडौँ, कात्तिक २६ गते । याङटेन लामाले युएसए अन्तर्राष्ट्रिय कराँते च्याम्पियनसिपमा स्वर्ण जित्नुभएको छ ।
न्युयोर्कको ब्रुकलिनमा आइतबार भएको प्रतियोगिताको पुरुष कुमुते १० देखि ११ वर्ष ब्ल्याक बेल्ट एडभान्स क्याटगोरीमा याङटेनले स्वर्ण जित्नुभएको न्युयोर्कस्थित च्याम्पियन्स मार्सल आर्ट्स क्लबका सञ्चालक सुनिल लामाले जानकारी दिनुभयो । फाइनलमा याङ्टेनले निक स्पेन्सरलाई पराजित गर्नुभयो ।
याङटेन च्याम्पियन्स मार्सल आर्ट्स क्लबको प्रतिनिधित्व गर्दै प्रतियोगितामा सहभागी हुनुभएको हो । उहाँ ११औँ दक्षिण एसियाली खेलकुद (साग) अन्तर्गत कराँतेका स्वर्ण विजेता सुनिल लामाको प्रशिक्षणमा हुनुहुन्छ । नेपालमा पनि च्याम्पियन्स मार्सल आर्ट्स क्लब सञ्चालनमा रहेको छ।
