गोरखापत्र समाचारदाता
काठमाडौँ, कात्तिक २१ गते । गायिका एलिना चौहान र गायक श्रीधर अधिकारीको स्वर रहेको साङ्गीतिक म्युजिकल भिडियो ‘महाकाली’ सार्वजनिक भएको छ । शिव र पार्वतीको पौराणिक कथा प्रस्तुत गर्ने चलचित्रमा श्रीधरकै सङ्गीत र नव्या श्रीको लेखन तथा निर्माण रहेको छ ।
म्युजिकल फिल्ममा नव्याश्री, लोमश शर्मा, राजकुमार थापा र प्रकाश कँडेलको अभिनय छ । नव्याश्रीले यसमा काली र पार्वती दुवैको भूमिका गर्नुभएको छ भने लोमश शिवको भूमिकामा देखिनुभएको छ । चलचित्रको रामजी राउत सहनिर्देशक हुनुहुन्छ ।
भिडियोमा सुरेश पाण्डेको कोरियोग्राफी, श्रीकृष्ण श्रेष्ठको भिएफएक्स, मदनकश्यप घिमिरेको छायाङ्कन र भूपेन्द्र अधिकारीको सम्पादन छ । महाकाली ‘ओएसआर डिजिटल’ युट्युब च्यानलमा प्रदर्शन गरिएको छ ।
