बलात्कार आरोपमा युवक पक्राउ

गुणबहादुर रोका    
सुलीकोट, कात्तिक १४ गते । गोरखामा अपाङ्गता भएकी महिलालाई बलात्कार गरेको आरोपमा एक जना युवकलाई प्रहरीले पक्राउ गरेको छ । पक्राउ पर्नेमा गोरखा नगरपालिका–१४ का २७ वर्षीय सुनिल परियार भएको जिल्ला प्रहरी कार्यालय गोरखाका प्रहरी नायब उपरीक्षक इन्द्र प्रसाद सुबेदीले जानकारी दिनुभयो ।

उहाँका अनुसार गत महिनाको असोज २७ गते दिउँसो १२ बजेको समयमा शारीरिक र मानिसिक रूपमा अपाङ्गता भएकी महिलालाई ललाई फकाई नजिकैको जङ्गलमा लागि बलात्कार गरेको आरोपमा पक्राउ गरिएको उहाँले बताउनुभयो ।

घटनापछि पीडित परिवारले किटानी जाहेरी दिएलगत्तै आरोपित परियारलाई कात्तिक १२ गते सोमबार पक्राउ गरी बुधबार जबरजस्ती करणी कसुर शीर्षकमा मुद्दा दर्ता गरी जिल्ला अदालत गोरखाबाट सात दिनको म्याद थपी गरी घटनाको अनुसन्धान भइरहेको जिल्ला प्रहरी कार्यालय गोरखाले जनाएको छ ।