दसैँघरमा बढाइँसहित फूलपाती भित्र्याइयो

राधा लुइटेल 

फिदिम, असोज २४ गते। दसैँको सातौँ दिन महासप्तमीको अवसरमा पाँचथर जिल्लामा रहेका विभिन्न दसैँ घरमा बढाइँसहित फूलपाती भित्र्याइएको छ। 

नेपाली सेना, नेपाल प्रहरी र सशस्त्र प्रहरीसँगै जिल्ला प्रशासन कार्यालयका दसैँ घर र घर घरमा स्थापना गरिएका नव दुर्गा मन्दिरमा बिहान सात बजेको साइत पारेर फूलपाती भित्र्याइएको हो। फिदिम ४ स्थित गाडीमा रहेको सुम्हात्लुङ मन्दिरबाट फूलपाती लैजाने चलन छ।