गजेन्द्र गुरुङ
खजुरा, असोज २३ गते । प्युठानको ऐरावती गाउँपालिका वडा नम्बर २ स्थित रहेको बरौंला बजार सुन्दर देखिएको छ । बरौंलामा ६ वटा वडा रहेको ऐरावती गाउँपालिकाको मुकाम हो ।
बरौंला बजार झिम्रुक नदीको किनारमा रहेको फाँटमा अवस्थित छ । नजिक बग्ने झिम्रुक नदीले बरौंलालाई अझै सुन्दर बनाएको छ । बिजुली कोटबाट देखिने बरौंला बजारको सुन्दर दृश्यले आन्तरिक तथा बाह्य पर्यटक लोभ्याउँछ ।
