.jpg)
काठमाडौँ, असोज १६ गते । पछिल्लो समयको भारी वर्षाका कारण आएको बाढी, पहिरो र डुबानका कारण बिपी राजमार्गसहित १२ वटा सडक पूर्णरुपमा अवरुद्ध छन् ।
विभिन्न स्थानमा खसेको पहरोका कारण बिपी राजमार्ग, फर्पिङ र कान्ति लोकपथ हुँदै उपत्यका भित्रिने र बाहिरिने सावरीसाधन बुधबार बिहान ८ बजेसम्म पूर्णरुपमा अवरुद्ध छन् ।
सिस्नेरी, लेले–टीकाभैरव, कुलेकाली–मार्खु, भीमफेदी–कुलेखानी–फाखेल–काठमाडौँ, सिस्नेरी–दक्षिणकाली भएर सञ्चालन हुने सवारीसाधन चल्न सकेका छैनन् ।
काभ्रेपलान्चोकको चारसयबेंसी, कालढुङ्गा, प्याकुरेल, बिपी राजमार्ग र बाह्रबिसे–तातोपानी सडक अवरुद्ध छन् ।
यसैगरी, सिन्धुलीको सुनकोशी, फिक्कल मध्य महाडी लोकमार्ग र रामेछाप–सिन्धुली (खुर्कोट) सडक पूर्णरुपमा अवरुद्ध छन् ।
