यदुप्रसाद भट्ट
मनाङ, असोज ६ गते । स्थानीय भाषाशैली र परम्परा लोभ हुँदै गइरहेको अवस्थालाई मध्यनजर गरी माथिल्लो मनाङमा भाषाशैली जोगाउन मनाङी भाषाको ३ वटा गीतको म्युजिक भिडियो छायाङ्कन भइरहेको छ ।
पल घलेको ‘मनाङ्गे नानी’ र ‘ओे माया ओ’ बोलको मनाङ भाषाको गीत, सोनम गुरुङको ‘आमा’ बोलको मनाङ्गे भाषाको गीतको म्युजिक भिडियोको छायाङ्कन भइरहेको हो ।
मनाङी भाषाशैली र परम्परालाई जोगाइराख्न म्युजिक भिडियो निर्माण गर्न लागेको पर्यटन व्यवसायी संघ मनाङका अध्यक्ष विनोद गुरुङले बताउनुभयो ।
‘वृद्धवृद्धाहरुको मृत्युु हुँदै जाने र युवकयुवती अध्ययन–अध्यापनका लागि विदेशिनाले भाषाशैली लोप हुँदै गएको छ’, उहाँले भन्नुभयो– ‘पुराना मानिस सकिएसँगै भाषा संस्कृति नै जाने डर छ । त्यसैले हाम्रो भाषा जोगाइराख्न यस म्युजिक भिडियोले सहयोग गर्नेछ ।’
शब्द सङ्गीत पल घले, गायकहरू दिका गुरुङ, सोनाम गुरुङ, पल घले र भ्वाइस अफ नेपाल सिजन छको टप ६ सम्म पुग्न सफल मनाङकै गायिका इना गुरुङ सबै मनाङका स्थानीय कलाकार हुन् ।
म्युजिक भिडियोमा विनोद गुरुङलगायत स्थानीय कलाकारले अभिनय गरेका छन् । उक्त म्युजिक भिडियो मनाङका ङावल, मनाङ गाउँ भ्राकालगायतका ठाउँमा छायाङ्कन भइरहेको छ ।
-square-thumb.jpg)
-original-thumb.jpg)
