साहसिक दूरदर्शी शक्तिपुञ्ज बिपी हौ
नेपालका सपुत हौँ निरङ्कुश फाल्दियौँ ।
प्रजातन्त्र ल्याइछाडयौ निडर भइ लडेर
सहिद स्वप्न पूरा गर्यौ देश विकास गरेर ।।
बिहानको झुल्केघाम राति लाग्ने जुन हौ
जनताको आवाजमा शक्ति भर्ने धुन हौ ।
सगरमाथासरि उच्च छन विचार शिखर
अन्तर्राष्ट्रिय मित्रतामा शालिन र प्रखर ।।
झुपडीका जनताका बिपी शिक्षा कलम
विभेदमा पिल्सिएका जन रक्षा मलम ।
जनभाव बुझिलिने शीर्ष नेता बिपी हौ
नागरिक स्वतन्त्रता हक दिने तिमी हौ ।।
जननिर्वाचित नेता संसदीय पद्धति
लोकतन्त्र, समाजवाद, समावेशी हो नीति ।
ऐतिहासिक मेलमिलाप जनहित दायक
अग्रगामी राष्ट्र हाम्रो, बिपी शीर्ष नायक ।।
