सिराज खान
नेपालगन्ज, साउन २८ गते । गोरखापत्र दैनिकका नेपालगन्ज समाचारदाता सिराज खानलाई अवधी सांस्कृतिक प्रतिष्ठान केन्द्रीय समितिले नेपालगन्जमा सम्मान गरेको छ ।
नेपालगन्जमा आयोजित चौथो अन्तरदेशीय अवधी महोत्सव तथा २५ औं अवधी दिवस समारोहमा अवधी सांस्कृतिक प्रतिष्ठान केन्द्रीय समितिले नेपालगन्ज समाचारदाता खानलाई ‘अवधी गौरव रजत सम्मान २०८१’ प्रदान गरेको हो ।
अवध क्षेत्रमा शिक्षा, स्वास्थ, कला, साहित्य र संस्कृतिलगायत क्षेत्रमा गरेको योगदानको मूल्याङ्कन गर्दै खानलाई सो सम्मान प्रदान गरिएको प्रतिष्ठानका केन्द्रीय अध्यक्ष रमेशचन्द्र कुमालले बताउनुभयो ।
सो अवसरमा नेपाल प्रज्ञा प्रतिष्ठानका प्राज्ञ सदस्य हंसावती कुर्मी, पूर्व प्राज्ञ सदस्य हरिप्रसाद तिमिल्सिना लगायतले समाचारदाता खानलाई दोसल्ला ओढाइ सम्मानपत्र प्रदान गरेर सम्मानित गर्नुभयो ।
कार्यक्रममा नेपाल–भारतका विभिन्न क्षेत्रका प्रतिष्ठित व्यक्तित्वलाई सम्मानित गरिएको प्रतिष्ठानका अध्यक्ष कुमालले बताउनुभयो । सो अवसरमा नेपाल र भारतका साहित्यकारले आ–आफ्नो रचना वाचन गर्नुभएको थियो ।
कार्यक्रममा नेपाल प्रज्ञा प्रतिष्ठानका पूर्व सदस्य सचिव वरिष्ठ साहित्यकार सनतकुमार रेग्मी, प्राज्ञ सदस्य हंसावती कुर्मी, पूर्व प्राज्ञ सदस्य हरिप्रसाद तिमिल्सिना, पशुपतिदयाल मिश्र, विष्णुलाल कुमाल, डा. सतिशचन्द्र बर्मा, रामानन्द सागर, इन्द्रेश भदोरियालगायतको उपस्थिति र सहभागिता थियो ।
