• ३० असार २०८१, आइतबार

मोदीको मस्को भ्रमण : रुस-भारतको सहकार्यलाई गहिरो बनाउने तयारी

blog

मस्को, असार २७ गते। भारतका प्रधानमन्त्री नरेन्द्र मोदीले मस्को भ्रमण गरेपछि रुस र भारतले विभिन्न क्षेत्रमा सहयोगलाई अझ गहिरो बनाउने प्रतिबद्धता व्यक्त गर्नुभएको छ। रुसका राष्ट्रपति भ्लादिमिर पुटिनसँग मोदीले दुई देशको सहयोगलाई गहिरो बनाउने प्रतिबद्धता जनाउनुभएको हो।

वर्तमान जटिल र अनिश्चित भूराजनीतिक परिस्थितिमा रूस-भारत सम्बन्ध स्थिर रहने बताइएको छ। 

दुवै देशका नेताले उनीहरूको विशेष र विशेषाधिकार प्राप्त रणनीतिक साझेदारीको निरन्तर सुदृढीकरण र विस्तारलाई उल्लेख गरेका छन्। 

युरेसियन इकोनोमिक युनियन र भारतबिच स्वतन्त्र व्यापार सम्झौताको सम्भावनासहित व्यापार उदारीकरणमा देशले आफ्नो वार्ता जारी राख्ने बताइएको छ। 

दुई राष्ट्र द्विपक्षीय व्यापारको वृद्धिलाई गति दिन सहमत भएका छन्। व्यापार कारोबार सय अर्ब अमेरिकीमा पुर्‍याउने लक्ष्य राखिएको छ। दुई नेताको भेटमा सन् २०३० सम्ममा आर्थिक सहयोगका रणनीतिक क्षेत्रको विकासका लागि कार्यक्रम तयार गर्न पनि सहमति जनाएका छन्। 

देशले सुरक्षाको सम्बन्धमा वार्ता गरेका छन्। क्षेत्रीय सुरक्षा संरचनालाई सुदृढ गर्न सहमत भएका छन्। युक्रेन संकटका सम्बन्धमा रुस र भारतले कूटनीति र द्वन्द्वका दुवै पक्षको संलग्नताबाट शान्तिपूर्ण समाधान खोज्नुपर्नेमा जोड दिएका छन्। 

पुटिन र मोदीले गाजामा मानवीय सहायताको प्रभावकारी वितरणको लागि वकालत गर्दै युद्धविराम र गाजामा बन्धकलाई तुरुन्तै रिहा गर्न संयुक्त राष्ट्रको प्रस्तावको कार्यान्वयन गर्न पनि आह्वान गरेका छन्। 

ऊर्जाका लागि रुस र भारतले कोइला क्षेत्रमा दीर्घकालीन सम्झौता र थप सहयोगलाई विचार गर्न सहमत भएका छन्। भ्रमणका क्रममा मोदीलाई अर्डर अफ सेन्टबाट सम्मानित गरिएको थियो। रुसी नेताले रुसी सहर काजानमा शरद ऋतुमा हुन लागेको ब्रिक्स शिखर सम्मेलनमा पनि मोदीलाई निम्तो दिएका थिए। 

मोदीले जुलाई ८ देखि ९ सम्म रुसको आधिकारिक राजकीय भ्रमण गरेका थिए। पछिल्लो पाँच वर्षमा मोदीको यो पहिलो रुस भ्रमण थियो।

सिन्ह्वाको सहयोगमा न्युज एजेन्सी नेपालले तयार पारेको समाचार सामग्री।