राधाकृष्ण डुम्रे
वालिङ, जेठ ३० गते । स्याङ्जामा रुखबाट खस्दा एक महिलाको मृत्युु भएको छ । चापाकोट नगरपालिका–७ साँखर की ३५ वर्षीय सृजना ढकालको रुखबाट खसेर ज्यान गएको हो ।
आफ्नो बारीमा रहेको पिपलको घाँस काट्न रुखमा चढ्नुभएकी ढकाल अचानक खसेर घाइते हुनुभएको थियो । घाइते ढकालको पाल्पाको रामपुर अस्पतालमा उपचारका क्रममा मृत्यु भएको जिल्ला प्रहरी कार्यालय स्याङ्जाका प्रवक्ता प्रहरी नायब उपरीक्षक इन्द्रबहादुर रानाले जानकारी दिनुभयो । उहाँका अनुसार घटना बारे अनुसन्धान भइरहेको छ ।
