गुणबहादुर रोका
सुलीकोट, जेठ २८ गते । त्रिशूली नदीमा एक वृद्धको शव फेला परेको छ । फेला परेको शव सहिद लखन गाउँपालिका-३ फुजेलका ७५ वर्षीय गणेश बहादुर श्रेष्ठ भएको जिल्ला प्रहरी कार्यालय गोरखाका प्रहरी निरीक्षक उज्जल सिंहले जानकारी दिनुभयो ।
उहाँका अनुसार गएको जेठ २२ गते मंगलबार बिहान ८ बजेको समयमा घरमा कोही कसैलाई जानकारी नदिई घरबाट निस्किएका श्रेष्ठ घर नफर्किएपछि खोजी गर्नका लागि आफन्तले प्रहरी कार्यालयमा निवेदन दिएका थिए ।
धेरै दिनको प्रयासपछि स्थानीय र प्रहरीको सहयोगमा खोज्दै जाँदा गण्डकी गाउँपालिका-६ दुर्बुङस्थित गोरखाका तर्फको त्रिशूली नदीमा शव तैरिएको अवस्थामा फेला परेको प्रहरीले भनाइ छ । त्यस घट्नाबारे थप अनुसन्धान भइरहेको जिल्ला प्रहरी कार्यालय गोरखाले जनाएको छ ।
