यदुप्रसाद भट्ट
मनाङ, जेठ १९ गते । चार दिनदेखि सम्पर्कविहीन भएका एक युवाको ड्रोनको प्रयोग गरी खोजी गर्ने तयारी भइरहेको छ । ललितपुर नखिपोटका ३१ वर्षीय प्रकाश गोर्खाली मनाङको तिलिचाे ताल जाने क्रममा यही जेठ १६ गतेदेखि सम्पर्कविहीन भएका थिए ।
प्रकाश मनाङ ङिस्याङ गाउँपालिका–९ बाइस घुम्तीबाट सम्पर्कविहीन भएको जानकारी प्राप्त भएको प्रमुख जिल्ला अधिकारी सुवासकुमार लामिछानेले जानकारी दिनुभयो ।
प्रजिअ लामिछाने ड्रोनको प्रयोग गरी सम्पर्कविहीन भएका युवाको खोजी गर्ने तयारी भइरहेको जानकारी दिनुभयो । सँगै रहेका अन्य तीन जनाले प्रकाश सम्पर्कविहीन भएपछि खोजीका लागि प्रहरीलाई खबर गरेका थिए । अहिले स्थानीयवासी, नेपाल प्रहरी, सशस्त्र प्रहरीलगायतको टोलीले गोर्खालीको खोजी कार्य गरिरहेको छ ।
