नारद कोहार
तौलिहवा (कपिलवस्तु), चैत ३० गते । कपिलवस्तुमा खोलामा डुबेर एक जनाको मृत्यु भएको छ । कपिलवस्तुको महाराजगञ्ज नगरपालिका ७ गंगौरी बस्ने गरिब मुराउको १५ वर्षीय छोरा रामफेर मुराउको डुबेर मृत्यु भएको हो ।
जिल्ला प्रहरी कार्यालय कपिलवस्तुका प्रहरी उपरिक्षक नवरत्न पौडेलका अनुसार कन्चनिया खोलामा पौडी खेल्ने क्रममा मुराउको डुबेर मृत्यु भएको हो ।
मृतकको शव पोस्टमार्टमका लागि शिवराज अस्पताल बहादुरगञ्जमा राखिएको उहाँले जानकारी दिनुभयो । घटनाबारे थप अनुसन्धान भइरहेको प्रहरीले जनाएको छ ।
