भेटेरिनरी सेवाको पुनर्संरचना गर्ने चरणमा छौँ : गृहमन्त्री श्रेष्ठ

काठमाडौं, असोज १२ गते । उपप्रधान एवम् गृहमन्त्री नारायणकाजी श्रेष्ठले सार्वजनिक स्वास्थ्य पशु चिकित्सकको ज्ञान र सीपलाई सार्वजनिक स्वास्थ्य र खाद्य सुरक्षा क्षेत्रहरूमा एकीकृत गर्न जरुरी रहेको बताउनुभएको छ ।

शुक्रबार काठमाडौंमा आयोजित प्रथम नेपाल भारत अन्तर्राष्ट्रिय स्तरीय जनस्वास्थ्य सम्मेलनको उद्घाटन समारोहलाई सम्बोधन गर्नुहुँदै उहाँले यस्तो बताउनुभएको हो ।

गृहमन्त्री श्रेष्ठले स्वास्थ्य पशु चिकित्सकहरूको ज्ञान र सीपलाई मुख्य प्रवाहमा ल्याएर ती क्षेत्रहरूलाई अझ बलियो बनाउनुपर्ने आवश्यकता रहेको बताउनुभयो । उहाँले जनस्वास्थ्य पशुचिकित्सकहरूको भूमिका जनतालाई सुरक्षित पशु स्रोत खाद्यान्न आपूर्ति गर्न निर्णायक हुने पनि जिकिर गर्नुभयो । उहाँले नेपालमा भेटेरिनरी सेवाहरूको पुनर्संरचना गर्ने चरणमा रहेको पनि बताउनुभयो । उहाँले नयाँ संरचना अन्तर्गत जनस्वास्थ्य संस्थालाई बलियो बनाउन प्रतिबद्ध रहेको उल्लेख गर्नुभयो ।

‘‘यो उच्च समय हो कि, हामीले सार्वजनिक स्वास्थ्य पशु चिकित्सकहरूको ज्ञान र सीपहरूलाई सार्वजनिक स्वास्थ्य र खाद्य सुरक्षा क्षेत्रहरूमा एकीकृत र मुख्य प्रवाहमा ल्याउनेछ । ती क्षेत्रहरूलाई अझ बलियो बनाउन सकिन्छ । हाल, अति कम विकसित देशहरू स्वस्थ जनसङ्ख्या वृद्धि गर्न खाद्य सुरक्षा मापदण्डहरू पूरा गर्न कडा सङ्घर्ष गरिरहेका छन् । जनस्वास्थ्य पशुचिकित्सकहरूको भूमिका जनतालाई सुरक्षित पशु स्रोत खाद्यान्न आपूर्ति गर्न निर्णायक हुनसक्छ ।,’’ गृहमन्त्री श्रेष्ठले भन्नुभयो, ‘‘हामीले यस उद्देश्यका लागि पर्याप्त नियामक फ्रेमवर्कहरू निर्माण गर्नुपर्छ भन्ने मैले बुझेको छु । हामी नेपालमा भेटेरिनरी सेवाहरूको पुनर्संरचना गर्ने चरणमा छौं । नेपाल सरकारले जुनोटिक र अन्य सङ्क्रामक रोगहरूको नियन्त्रण र खाद्य सुरक्षाका समस्याहरूमार्फत जनस्वास्थ्यको सुरक्षाका लागि पशु चिकित्सा जनस्वास्थ्य संस्थाहरू महत्त्वपूर्ण छन् भनी महसुस गरेको छ । यस्तो अवस्थामा हामी नयाँ संरचनाअन्तर्गत जनस्वास्थ्य संस्थालाई बलियो बनाउन प्रतिबद्ध छौं ।’’

गृहमन्त्री श्रेष्ठले सरकारले जुनोटिक र अन्य सङ्क्रामक रोगहरूको नियन्त्रण गर्न र जनस्वास्थ्यको सुरक्षाका गर्न पशु चिकित्सा जनस्वास्थ्य संस्थाहरू महत्त्वपूर्ण रहेको बताउनुभयो ।